საქართველოს პასუხისმგებელი ბიზნესის კონკურსი 'Meliora 2024' 

 

ევროკავშირისა და კონრად ადენაუერის ფონდის (KAS) მხარდაჭერით, საქართველოს სტრატეგიული კვლევებისა და განვითარების ცენტრი (CSRDG)  წელს უკვე მეხუთედ ატარებს საქართველოს პასუხისმგებელი ბიზნესის კონკურსს ‘Meliora’.

CSRDG-მ კონკურსი Meliora 2018 წელს დააფუძნა. წლების მანძილზე კონკურსს ჰყავდა 30-ზე მეტი მხარდამჭერი და 20-მდე მედია პარტნიორი. 2018-2022 წლებში კონკურსში მონაწილეობა მიიღო 120-მა კომპანიამ 300-მდე პროექტით.

წელს, კონკურსი კვლავ ტარდება, ევროკავშირის მხარდაჭერით მიმდინარე პროექტის „სამოქალაქო საზოგადოების STAR ინიციატივა“ ფარგლებში, მრავალ საერთაშორისო და ადგილობრივ საექსპერტო ორგანიზაციასთან, ბიზნეს-პლატფორმასა და სამთავრობო ინსტიტუტთან თანამშრომლობით. Meliora 2024 გამოავლენს და დააჯილდოებს საქართველოში მოქმედ იმ კომპანიებს, რომლებიც ახორციელებენ შთამაგონებელ და სამაგალითო პროექტებსა და ინიციატივებს კორპორაციული სოციალური პასუხისმგებლობის სფეროში.

უკვე ექვსი წელია კონკურსი Meliora მთელი ქვეყნის მასშტაბით მნიშვნელოვანი ცვლილებების, ბიზნესის წარმატების და კორპორაციული პასუხისმგებლობის შთაგონების წყაროა. 

განაცხადების წარდგენის ბოლო ვადაა  20 თებერვალი 2024 .

© All Rights Reserved Meliora.Ge