ქეთრინ ჰინი

სტრატეგიის კონსულტანტი, DHR Communications, ირლანდია

 

ქეთრინ ჰინი არის სტრატეგიული კომუნიკაციებისა და ლიდერობის სპეციალისტი 25-წლიანი გამოცდილებით. ის ცხოვრობს ირლანდიაში.

2004-ში ქეთრინმა დააფუძნა კომპანია „DHR Communications“, ამჟამად კი იგი ამ კომპანიის საბჭოს საპატიო თავმჯდომარეა. იგი ხელმძღვანელობდა მაღალი საზოგადოებრივი ინტერესის მქონე კამპანიებს სხვადასხვა სფეროებში, მათ შორის, კულტურული მემკვიდრეობის, ადამიანის უფლებების,  განათლების და ჯანდაცვის სფეროებში.

მისი ხელმძღვანელობით DHR-ის CSR პროგრამა რამდენიმე წლის განმავლობაში გამარჯვებულად დასახელდა ირლანდიის ეროვნული CSR კონკურსის ფარგლებში.

ქეთრინი იყო ირლანდიის მთავრობის დაფუძნებული კორპორაციული სოციალური პასუხისმგებლობის ფორუმის თავმჯდომარე. იგი ხელმძღვანელობდა ირლანდიის ეროვნული CSR სამოქმედო გეგმის განხორციელებას და შესრულების ანგარიშგებას. ქეთრინი ასევე ჩართულია CSR-ის მიმართულებით მრავალ საკონსულტაციო და სალექციო საქმიანობაში.

ქეთრინს აქვს მენეჯმენტის და  ლიდერობის მნიშვნელოვანი გამოცდილება. ის ხელმძღვანელობდა ირლანდიის ეროვნული მუზეუმისა საბჭოს, ამჟამად არის მოქალაქეთა საინფორმაციო საბჭოს თავმჯდომარე,  ასევე – საქველმოქმედო ფონდის „ერთი ოთხში“(One in Four) რწმუნებული.

ქეთრინი ფლობს ბაკალავრის ხარისხს ჟურნალისტიკაში და მაგისტრის ხარისხს კრიმინოლოგიაში, მას ასევე აქვს მაგისტრის წოდება ისტორიასა და კულტურულ მემკვიდრეობაში (დუბლინის ტრინიტის კოლეჯი). ის აგრეთვე არის ნიუ-იორკის კოლუმბიის უნივერსიტეტის  გლობალური სტრატეგიული კომუნიკაციების პრესტიჟული პროგრამის კურსდამთავრებული. ქეთრინი მუდამ ზრუნავს პროფესიულ განვითარებაზე, აქვს მეხუთე ხარისხის QQI (ირლანდიის ნაციონალური საკვალიფიკაციო პროგრამა) დასაქმების კანონმდებლობაში; აგრეთვე არის რამდენიმე პროგრამის მონაწილე კორპორაციული მართვის და გარემოს დაცვის სფეროებში. მან გაიარა „უწყვეტი პროფესიული განვითარების (CPD) პროგრამა  მწვანე და მდგრადი ორგანიზაციის მართვაზე დუბლინის ტრინიტი კოლეჯში. 2023 წელს ქეთრინმა გაიარა ოქსფორდის უნივერსიტეტის ბიზნეს სკოლის მენეჯმენტისა და სენიორ ლიდერობის პროგრამა.

პროფესიული ინტერესების მიღმა, ქეთრინს უყვარს ლაშქრობები, ველოსპორტი, სირბილი და მებაღეობა. ის ლაპარაკობს ირლანდიურად და არის ირლანდიური ლიტერატურის პოპულარიზაციის მხარდამჭერი.