შევსებული განაცხადი Word-ის ფორმატში და თანდართული მასალა უნდა გამოაგზავნოთ მისამართზე: csrawards@meliora.ge. განაცხადის წარდგენიდან სამი სამუშაო დღის ვადაში დაგიდასტურებთ განაცხადის მიღებას. თუ ასეთ დამადასტურებელი შეტყობინება არ მოგივათ ელ-ფოსტაზე, დაგვიკავშირდით.

საკონკურსოდ შეგიძლიათ წარმოადგინოთ ნებისმიერი რაოდენობის განაცხადი სხვადასხვა კატეგორიაში.

კონკურსში მონაწილეობის მსურველთათვის გაიმართება  კონსულტაციები (კონსულტაციის მისაღებად თქვენ დაგჭირდებათ დარეგისტრირება - სარეგისტრაციო ბმული და კონსულტაცოების თარიღები გამოქვეყნდება კონკურსის ვებგვერდზე). გარდა ამისა, შეგიძლიათ წერილობითი შეკითხვა გაუგზავნოთ კონკურსის საორგანიზაციო კომიტეტს, მისამართზე: csrawards@meliora.ge (გთხოვთ წერილის თემაში მიუთითოთ - შეკითხვა).

არა, ეს არ არის აუცილებელი. შეიძლება განაცხადის წარდგენის დროს პროექტი კვლავ მიმდინარეობდეს, თუმცა ის  უნდა იყოს ისეთ ეტაპზე, როდესაც გარკვეული შედეგები  უკვე მიღწეულია, დანარჩენი კი აშკარად იკვეთება. თუ საკონკურსოდ წარმოდგენილი პროექტი 2023 წლამდე დაიწყო და მას შემდეგ მიმდინარეობს, განაცხადში ნათლად განმარტეთ, თუ როდის დაიწყო პროგრამა/პროექტი, რა ეტაპზეა ამჟამად, რა აქტივობები განხორციელდა და რა კონკრეტულ შედეგებს მიაღწიეთ 2023 წლის განმავლობაში (ანუ კონკურსის პირობებით განსაზღვრულ პერიოდში).

წინა წლის კონკურსის მონაწილეებს და გამარჯვებულებს შეუძლიათ კვლავ მიიღონ წლევანდელ კონკურსში მონაწილეობა, თუმცა არის გარკვეული შეზღუდვები.

წინა წლის კონკურსის გრან პრის მფლობელს არ აქვს უფლება  წელს შემოიტანოს განაცხადი იმავე კატეგორიაში (ანუ კვლავ „წლის პასუხისმგებელი კომპანიის“ კატეგორიაში). თუმცა მას შეუძლია განაცხადის შემოტანა ნებისმიერ სხვა კატეგორიაში.

თუ თქვენ რომელიმე თემატურ ან სპეციალურ კატეგორიაში გაიმარჯვეთ შარშან, წელს არ შეგიძლიათ საკონკურსოდ წარმოადგინოთ იგივე პროექტი, რომელმაც შარშან გაიმარჯვა, რამდენად მნიშვნელოვანი სიახლეები, გაუმჯობესება და ახალი მიღწევებიც არ უნდა გქონდეთ. თუმცა შეგიძლიათ წარმოადგინოთ ახალი, განსხვავებული პროექტი იმავე კატეგორიაში ან ნებისმიერ სხვა კატეგორიაში.

თუ თქვენ წინა კონკურსში მიიღეთ მონაწილეობა, მაგრამ არ გაიმარჯვეთ, შეგიძლიათ კვლავ წარმოადგინოთ საკონკურსოდ იგივე პროექტი, რომელიც უკვე გქონდათ შემოტანილი, მხოლოდ იმ პირობით, თუ კვლავ აგრძელებთ ამ პროექტის განხორციელებას და საგრძნობლად გააუმჯობესეთ, მიაღწიეთ ახალ შედეგებს. იგივე პროექტის უცვლელად შემოიტანა არ არის შესაძლებელი. ამასთანავე, წლევანდელ განაცხადში მაქსიმალურად გაამახვილეთ ყურადღება ახალ შედეგებზე, რომლებსაც მიაღწიეთ შარშანდელი განაცხადის წარდგენის შემდგომ პერიოდში.

რა თქმა უნდა ასევე შეგიძლიათ შემოიტანოთ ახალი პროექტიც.

არა, არ შეიძლება, ერთი კონკრეტული პროექტის წარდგენა შესაძლებელია მხოლოდ  ერთ კატეგორიაში. თქვენ უნდა გადაწყვიტოთ, რომელ კატეგორიას შეესაბამება თქვენი პროექტი ყველაზე მეტად (სურვილის შემთხვევაში შეგიძლიათ გაიაროთ კონსულტაცია კონკურსის ორგანიზატორებთან).

კატეგორიის ქვეთემები ასახავს იმ კონკრეტულ საკითხებს, რომლებსაც მოიცავს ესა თუ ის ზოგადი კატეგორია. მაგალითად, „პასუხისმგებელი დამსაქმებელი“ ფართო თემაა და ამ კატეგორიას შეიძლება სხვადასხვა, უფრო კონკრეტულ საკითხთან დაკავშირებული პროექტი მიესადაგოს, როგორიცაა: თანამშრომელთა ჯანმრთელობასა და უსაფრთხოებაზე ზრუნვა; თანამშრომელთა სოციალური დაცვა; თანაბარი შესაძლებლობების უზრუნველყოფა და ა. შ. თქვენ უნდა გადაწყვიტოთ, რომელ კატეგორიაში გსურთ განაცხადის შემოტანა და შემდეგ, განაცხადის ფორმაში მონიშნოთ შესაბამისი თემა, რომელიც სხვებზე მეტად მიესადაგება თქვენს პროექტს. რეკომენდებულია მონიშნოთ ერთი თემა, რომელიც ყველაზე მეტად შეესაბამება თქვენს პროექტს, თუმცა თუ მიგაჩნიათ, რომ თქვენი პროექტი ერთზე მეტ თემას პასუხობს, შეგიძლიათ მონიშნოთ ორი, ან მაქსიმუმ 3 ქვეთემა. თემის მითითება დაეხმარება ჟიურის წევრებს უკეთ დაინახონ წარმოდგენილი პროექტის კონკრეტული მიზანი და გაიგონ, თუ სად ხედავს კომპანია თავისი ნომინაციის ადგილს CSR-ის  ერთიან კონტექსტში. ამასთან გახსოვდეთ --  ჯილდო გაიცემა თითოეულ კატეგორიაში და არა ცალკეულ თემაში.

დიახ, შეიძლება, თუ თქვენი პროექტები შეესაბამება ამ კატეგორიის ორ სხვადასხვა თემას. მაგალითად , კატეგორიაში „მწვანე ინიციატივა“  შესაძლებელია ორი სხვადასხვა პროექტის წარდგენა, თუ ერთ-ერთი ბიომრავალფეროვნების თემას ეხება, ხოლო მეორე - ენერგომენეჯმენტს. ამავდროულად, დაუშვებელია ორი სხვადასხვა პროექტის წარდგენა, თუ ორივე ეხება კატეგორიის ერთსა და იმავე თემას, მაგ. ენერგომენეჯმენტს. ჩვენი რეკომენდაციაა, ერთ განაცხადში გააერთიანოთ  ერთსა და იმავე თემაზე  განხორციელებული ინიციატივები.  

დიახ, რა თქმა უნდა შეგიძლიათ კონკურსში მონაწილეობის მიღება. თუმცა, უნდა წარმოადგინოთ საქართველოში განხორციელებული პროექტები და მათი შედეგები, და არა მხოლოდ გლობალური სტრატეგიის შესრულება. შეფასებისას ჟიური ყურადღებას მიაქცევს გლობალური სტრატეგიის ქართული რეალობისათვის მორგებას და ადგილობრივი აქტივობების ხარისხს.

მსხვილ და მცირე კომპანიებს კონკურსში გამარჯვების თანაბარი შანსი ექნებათ. ჟიური თითოეულ პროექტს  შეაფასებს შეფასების კრიტერიუმების მიხედვით, რომლებიც კონკურსის ვებგვერდზეა გამოქვეყნებული. საკონკურსოდ წარდგენილი პროექტი შეფასდება კომპანიის ზომასთან შეფარდებით. ამასთანავე, თითოეულ კატეგორიაში შესაძლებელია გაიცეს ორი ჯილდო - ცალკე - მსხვილი და ცალკე - მცირე/საშუალო ზომის კომპანიისთვის.