georgian
englishგამარჯვებული
ბიოდიზელი ჯორჯია
„ბიოსაწვავი ნარჩენებისაგან - სუფთა გარემო და ენერგოდამოუკიდებლობა“
2018-2020 წლების მონაცემებით, საქართველოში ყოველთვიურად 125 ტონა მეორადი მოხმარებული ზეთი რჩებოდა ნარჩენის სახით და არსებობდა ამ ნარჩენის უტილიზაციის სწორი, ეფექტური გზა, არც შესაბამისი კანონმდებლობა.
თეგეტა ჰოლდინგი
„თეგეტა გარემოსთვის“
ბუნებრივი რესურსი, რომელსაც ყოველდღიურად მოვიხმართ, ერთ დღესაც შეიძლება ამოიწუროს. ნარჩენების გადამუშავებით შეგვიძლია დედამიწისთვის ახალი ღირებულება შევქმნათ.გარემოსდაცვითი პასუხისმგებლობის ფარგლებში, „თეგეტა ჰოლდინგი“ თავისი საქმიანობიდან მიღებული ნარჩენების მართვის ეფექტურ გეგმას ახორციელებს, რომელიც ითვალისწინებს მათ სეპარირებულ შეგროვებას, ტრანსპორტირებას, გადამუშავებას/რეციკლირებას, პროდუქტის უტილიზაციას და მის სასიცოცხლო ციკლის ბოლომდე მიყვანას.
მონაწილეები
PepsiCO საქართველო /ვიმ-ბილ-დან
„ნული კომპიუტერი ნაგავსაყრელზე“
კომპანიას აქვს გეგმა 2025 წლისთვის ნაგავსაყრელზე ნული ნარჩენი განათავსოს. ამ მიზნის მისაღწევად კომპანიამ 2020 წლიდან დაიწყო სხვადასხვა ინიციატივის განხორციელება.
PepsiCO საქართველო /ვიმ-ბილ-დან
„მზის სისტემა“
2021 წელს კომპანიამ გადაწყვიტა დაეწყო განახლებადი ენერგიის გრძელვადიანი პროექტი მწარმოებელი ქარხნის სახურავზე მზის პანელების განთავსებით. პროექტში მონაწილეობდა რამდენიმე ექსპერტი და სპეციალისტი. ადგილობრივმა გუნდმა მოახერხა პანელების დამონტაჟება სახურავის ყველაზე ეფექტურ ფრთაზე, მზის მაქსიმალური ეფექტიანობის მისაღებად. პროექტის მიზანი იყო გარემოზე ზემოქმედების მინიმუმამდე შემცირება, განახლებადი ენერგიის გამოყენება და IRR-ის 10%-ის მიღწევა.
ალტერვეისტი
„სახიფათო ნარჩენების (მინერალური ზეთები) გამოყენების მავნე პრაქტიკის დასრულება საქართველოში“
პროექტის დაწყებისას საქართველოში არ არსებობდა ნარჩენი ზეთების სტანდარტების მიხედვით გადამამუშავებელი საწარმო და არც შესაბამისი საკანონმდებლო რეგულაციები (მწარმოებლის გაფართოებული ვალდებულება ძალაში მხოლოდ 2023 წლის 1 იანვარს შევიდა).
აპოსტროფი
„გარემოსდაცვითი ცნობიერების ამაღლება ფრანგულის, როგორც უცხო ენის, გაკვეთილებზე“
საქართველოში ფრანგული ენის მასწავლებლებს პირველად აქვთ უნიკალური შესაძლებლობა, რომ გაიარონ სპეციალიზებული კურსები, გაეცნონ თანამედროვე მიდგომებს და შემდეგ კლასში აქტიურად გამოიყენონ ინტერაქტიური მასალები გარემოსდაცვითი ცნობიერების ასამაღლებლად.
გრინვეი საქართველო
„გრინვეი გარემოსთვის“
კომპანია „გრინვეის“ ერთ-ერთი მთავარი მიზანი იყო შეექმნა სხვადასხვა ფორმის საკომუნიკაციო გზავნილები, რომლებიც დაანახებდა ხალხს ტექდათვალიერების მნიშვნელობას და აუცილებლობას საკუთარი თუ სხვა ადამიანების ჯანმრთელობისა და უსაფრთხოებისთვის.
ევროსტილი
„წიგნები მაკულატურის სანაცვლოდ“
კომპანიის ზოგადი პოლიტიკაა, ქვეყნისთვის მნიშვნელოვან გამოწვევებში აქტიურად ჩართვა და ისეთი პროექტების შემუშავება, რომელიც სასარგებლო იქნება გარემოსა და ადამიანებისთვის. ამ მიზნებიდან გამომდინარე 2022 წელიდან დღემდე კომპანია აქტიურად ახორციელებს პროექტს - წიგნები მაკულატურის სანაცვლოდ.
ეფეს საქართველო
„ენერგიისა და რესურსების მდგრადი მოხმარება და მდგრადი მეწარმეობა“
2008 წლიდან გარემოს დაცვა „ეფეს საქართველოს“ ერთ-ერთი პრიორიტეტია. კომპანიაში მავნე ზემოქმედების შესამცირებლად და ეკომეგობრული პრაქტიკის დასანერგად არსებობს ადამიანური რესურსებიც და ფინანსებიც.
თიბისი ბანკი
„თიბისი - ბიზნესის მწვანე შესაძლებლობებისთვის“
კომპანია აქტიურად მუშაობს მწვანე ფინანსირების მუდმივ განვითარებაზე, რომ შექმნას მწვანე შესაძლებლობები ბიზნესისთვის - მოიზიდოს მწვანე მიზნობრიობის რესურსები, რომელთა დახმარებითაც შესაძლებელია კერძო კომპანიების წახალისება, ფინანსური სარგებლის მიღება, ტექნიკური დახმარების გაწევა და საბოლოოდ, კლიენტების ბიზნესსაქმიანობით გამოწვეული უარყოფითი ზემოქმედების შემცირება.
ირაო
„დაიცავი, გადაამუშავე, გადაარჩინე“
2021 წლიდან კომპანიამ დაიწყო პროექტი, რომლის ძირითადი ნაწილი არასამთავრობო ორგანიზაციების ქსელთან (CENN) თანამშრომლობით მიმდინარეობს. პროექტის მიზანია გარემოსდაცვითი ქცევის შეცვლა და ცნობიერების ამაღლება, პირველ რიგში, კომპანიის თანამშრომლებში, შემდეგ კი – თანამშრომლების დახმარებით მიღებული ცოდნის მომავალი თაობისთვის გაზიარება.
ისთ ფოინთი
„მწვანე ინიციატივა“
2020 წელს „ისთ ფოინთის“ ჩატარებული მოკვლევით გაირკვა, რომ საქართველოში არ არსებობდა ბატარეების ჩამბარებელი არცერთი პუნქტი, რომელიც გამოუსადეგარი, ვადაგასული ბატარეების ჩაბარების და მათი ბუნებრივ გარემოში მოხვედრის პრევენციის საშუალებას მისცემდა მოქალაქეებს. ამიტომ კომპანიამ დაიწყო ცნობიერების ამაღლების კამპანია, რომელიც მიზნად ისახავს ადამიანებს მიაწოდოს ინფორმაცია და წაახალისოს მათი გარემოსდაცვითი ჩვევების გამომუშავება.
ლივინგსტონი
„საახალწლო დანაშაულის სცენები“
2022 წლის იანვრიდან ივლისის ჩათვლით კომპანიამ შექმნა კამპანია პიროტექნიკის გამოყენების შედეგების საჩვენებლად. გაკეთდა გარე ინსტალაცია, სადაც მკვდარი ფრინველი დაეცა, შემოხაზული იყო ცარცით, როგორც ხდება ხოლმე დანაშაულის ადგილის შემოხაზვა. მიზანი იყო, რომ ფართო საზოგადოება პიროტექნიკის გამოყენების შედეგებზე დაფიქრებულიყო.
ლისი დეველოპმენტი
„მწვანე ქალაქი ლისზე - პრინციპი 80/20“
პროექტი მიზნად ისახავს შექმნას არა მხოლოდ თანამედროვე ცხოვრების სტილი და დახვეწილი არქიტექტურული კომპლექსი, არამედ სრულიად ახალი გარემო ეკოლოგიური და ჯანსაღი ცხოვრებისათვის იქ, სადაც არ იყო სიმწვანე და ინფრასტრუქტურა.
.png)
მინა
„ნარჩენების წარმოქმნის პრევენცია და შემცირება“
სს „მინა“ – ქსნის მინის ტარის ქარხანა 1998 წლიდან არის საერთაშორისო სამრეწველო კონგლომერატ „Şişecam“-ის კუთვნილი კომპანია. მისი ძირითადი მიზანია სხვადასხვა სახის მინის ტარის წარმოება, რაც დღეისათვის პლასტიკის უმნიშვნელოვანესი ალტერნატივაა და მისი რეციკლირებაც მარტივად ხდება.
ნატურაფარმი
გადაარჩინე დედამიწის კანი“ Save the Earth Skin
ნიადაგის, ანუ დედამიწის კანის დაცვის ინიციატივით შპს „ნატურაფარმის“ პარტნიორი კომპანია „ველედა“ 2021 წლიდან აქტიურ კამპანიას ატარებს. კომპანიას 2022 წლის დასაწყისიდან გაუჩნდა იდეა შეექმნა პროექტი, რომლის მიზანიც საქართველოში ეკოლოგიური საფრთხეების შესახებ ცნობიერების ამაღლება იქნებოდა. შპს „ნატურაფარმმა“ გადასაჭრელ პრობლემად დასახა ნიადაგის, ანუ დედამიწის კანის დაცვა, რაც, ზოგადად, პლანეტის წინაშე მდგარი აქტუალური გამოწვევაა.
პოლივიმი
„გა-დააფასე პლასტმასა“
„პოლივიმი“, როგორც მეორადი პლასტმასის გადამამუშავებელი საწარმო, მიმართულია საქართველოში ნარჩენების მართვის სისტემის განვითარებასა და გადამუშავებადი ნარჩენების სეპარირებულად შეგროვებაზე, რაც ხელს უწყობს ქვეყანაში გადამამუშავებელი სექტორის და ცირკულარული ეკონომიკის განვითარებას.
ტენე
„ტენე“
2021 წელს „ტენემ“ დაიწყო პირველი ქართული ეკოლოგიურად სუფთა USB კაბელის წარმოება სხვადასხვა ელექტრონული გაჯეტისათვის. მისი ძირითადი ღირებულებებისა და ბიზნესმოდელის შესაბამისად, კომპანია ახლის წარმოებისთვის ამუშავებს და შემდეგ იყენებს გადაგდებული ბოთლის თავსახურებს და დაზიანებულ USB კაბელებს.
უსული
„From waste to fashion“
მოდის ინდუსტრია არის მსოფლიოში ერთ-ერთი ყველაზე ბევრი ნარჩენის მწარმოებელი. ამ ნარჩენების დაშლას კი ან ძალიან დიდი დრო სჭირდება, ან საერთოდ არ იხრწნება.
ფაბერი
„გარემოსდაცვითი ქცევის ცვლილება და ცნობიერების ამაღლების ინიციატივები, ბუნებრივი რესურსების მდგრადი გამოყენება, ბიომრავალფეროვნების და ეკოსისტემების დაცვა“
მდგრადობის შესახებ ცნობიერება საკმაოდ დაბალია საქართველოში, განსაკუთრებით, მოდის შესახებ, რომელიც მეორე ყველაზე მავნე ინდუსტრიაა მსოფლიოში. სწორედ ამიტომ გადაწყვიტა კომპანიამ შეექმნა მრავალენოვანი სოციალური და მედია პლატფორმა The Devil Wears Responsibly (TDWR), რომელიც მხოლოდ მოდის მდგრადობის შესახებ ცნობიერების ამაღლებაზე, განათლებასა და ინსპირაციაზეა კონცენტრირებული.
ფარმადეპო
„გამწვანებული სკვერი ჯანსაღი გარემოსთვის“
გამწვანებული სკვერი, ჯანსაღი გარემოსთვის“ გულისხმობს თბილისის სხვადასხვა უბნის ეზოებში გამწვანებული სივრცეების მოწყობას. პროექტის მიზანია საზოგადოების მაქსიმალური ჩართვა გარემოს დაცვით ისეთ მოქმედებებში, როგორიცაა გარემოს დასუფთავება, მცენარეების დარგვა და მოვლა, პოლიეთილენის მოხმარების შემცირების აგიტაცია, რაც, საბოლოო ჯამში, მოსახლეობის კეთილდღეობასა და სოციალური გარემოს განვითარებაზე აისახება.
ჯეო მულჩი
„მწვანე ინიციატივა“
კომპანიის საქმიანობის სფეროა ხის და ხის ნარჩენების მოპოვება, მათი გადამუშავება და ბიოორგანული სასუქი მულჩის შექმნა.