georgian
englishგამარჯვებული
"ტერაბანკი“
„ბიზნესკლიენტების მხარდასაჭერად“
პროექტის ფარგლებში, ბანკმა დაგეგმა დარეგისტრირებული პირველი 50 კლიენტისთვის გადაეცა საჭიროებებზე მორგებული საჩუქრები. სასაჩუქრე პაკეტები აერთიანებდა ისეთ სერვისებს, როგორიცაა ლოგოსა და კორპორაციული სტილის, სოციალური მედიის არხებისა და ვებგვერდის მომზადება.
OneSoft
OneSoft მცირე და საშუალო ბიზნესის მხარდასაჭერად - ERP სისტემის დაფინანსების პროექტი SME სექტორისთვის
(მცირე და საშუალო კომპანია)
OneSoft აქტიურად მუშაობს ბიზნესპროცესების სისტემატიზებული მართვის განვითარებასა და კომპანიებისთვის პროგრამული გადაწყვეტების ხელმისაწვდომობის გაზრდაზე. ამიტომ, Covid-19-ით გამოწვეული ეკონომიკური კრიზისის საპასუხოდ, OneSoft-მა გამოთქვა მზადყოფნა მცირე და საშუალო ბიზნესის ხელშესაწყობად, რომ სოციალური პასუხისმგებლობის ფარგლებში, სრულიად უსასყიდლოდ ან 50%-იანი თანადაფინანსებით, შეეთავაზებინა კომპანიებისთვის ერთიანი პროგრამა ERP Standard-ი მენეჯერული და ბუღალტრული აღრიცხვისთვის.
მონაწილეები
"თიბისი“
„თიბისი შენთვის“
კომპანია თიბისიმ, პროექტით „თიბისი შენთვის“, ბიზნესის ხელშეწყობა დიჯიტალ ტრანსფომაციითა და სესხების გადავადებით გადაწყვიტა. დიჯიტალ ტრანსოფრმაციის მიმართულებით ჩატარდა რამდენიმე აქტივობა, რომელშიც თიბისის ჯგუფის კომპანიები ჩაერთნენ.
ACT
ACT Strategist
ACT-ის სოციალური პასუხისმგებლობის პროექტი _ ვებსაკონსულტაციო პლატფორმა, რომელიც ACT-ის გუნდმა COVID-19 პანდემიის გამო მსოფლიოში და საქართველოში შექმნილი რთული ვითარებიდან გამომდინარე შექმნა, რათა მხარი დაუჭიროს ერთ-ერთ ყველაზე მოწყვლად სფეროს – მცირე და საშუალო ბიზნესს. პლატფორმა დღემდე ფუნქციონირებს.კოდის წინადადება - UBG-ის სოციალური პასუხისმგებლობა.
Quick
Quickstart
Quickstart-ი ციფრული სააგენტო Quick-ის პლატფორმაა, რომელიც კომპანიის კორპორაციული სოციალური პასუხისმგებლობის ფარგლებში შეიქმნა. მისი მიზანი სტარტაპებისა და მცირე ბიზნესის წარმომადგენლებისთვის ციფრული ტექნოლოგიების შესაძლებლობების შესახებ ინფორმაციის უსასყიდლოდ მიწოდება და ამ მიმართულებით პირველი ნაბიჯების გადადგმაში ხელშეწყობაა.
აუდიტორული კომპანია "კრესტონ პაპიაშვილი“
მომხმარებელთა და მომწოდებელთა მხარდაჭერა
სოციალური პასუხისმგებლობის პროექტი აუდიტორულმა კომპანიამ „კრესტონ პაპიაშვილი“ 2020 წლის 20 მარტს დაიწყო - შექმნა ბუღალტერიისა და აუდიტის სფეროში მოღვაწე პრაქტიკოსებისთვის განკუთვნილი საგანმანათლებლო სივრცე Kreston Papiashvili Education Space, სადაც ჯგუფის წევრებისათვის საინტერესო საკითხებზე უფასო ვებინარები იმართება
ევროპაბეთი - Responsible.ge
„უფასო რეკლამა - ევროპაბეთის მხარდაჭერა ბიზნესს“
პანდემიის დასაწყისში გამოჩნდა, რომ მცირე ბიზნესის უმრავლესობა არ იყო მზად დისტანციურ სერვისებზე გადასასვლელად და პრობლემა ექმნებოდათ მომხმარებელთან კომუნიკაციისას. ამ გამოწვევების გამკლავებაში დასახმარებლად და სტარტაპების განვითარების ხელშეწყობის მიზნით „ევროპაბეთმა“ ციფრული რეკლამით დაინტერესებულ მცირე ბიზნესს პოპმედიის სარეკლამო სივრცე უფასოდ დაუთმო.
ეფეს საქართველო - სს "ლომისი“
დაზარალებული სექტორების მხარდაჭერა
„ეფეს საქართველომ“, როგორც მაღალი სოციალური პასუხისმგებლობის მქონე კომპანიამ, გადაწყვიტა პრიორიტეტები განესაზღვრა და შეძლებისდაგვარად დახმარებოდა პარტნიორი სექტორების წარმომადგენლებს, კერძოდ: სარესტორნო ბიზნესში დასაქმებულ პირებს, მუსიკოსებს და საზოგადოების სხვადასხვა მოწყვლად ჯგუფს. პროექტის განხორციელება დაიწყო 2020 წლის მარტში და დღემდე გრძელდება.
სს "საქართველოს ბანკი“
Argacherde.ge
„საქართველოს ბანკმა“, როგორც ქვეყნის ერთ-ერთმა წამყვანმა ფინანსურმა ინსტიტუტმა, ბიზნესის მხარდასაჭერად შექმნა ონლაინპლატფორმა argacherde.ge. პროექტის მიზანია Covid-19-ით გამოწვეული პანდემიის პერიოდში ხელი შეუწყოს ბიზნესსექტორს, დაეხმაროს მას ფინანსური ზიანის შემცირებასა და თანამშორმლების შენარჩუნებაში. გაზარდოს საკუთარი ცნობადობა პოტენციურ მომხმარებლებში და ჰქონდეს მოტივაცია, რომ არ გაჩერდეს.
შპს "ბიდიო“
Rethink, ანუ დაინახე ახლებურად - ბიზნესის მხარდაჭერის მოდელი „ბიდიოსგან“
კრიზისის დაწყებიდან სულ რამდენიმე კვირაში, მიმდინარე წლის აპრილში, ბიზნესის მხარდასაჭერად „ბიდიომ“დაიწყო ნაცნობი თემების ახლებურად დანახვის კამპანია Rethink-ი, რომლის მიზანია სხვადასხვა სექტორში მოქმედ, განსხვავებული მასშტაბის კომპანიებს დაეხმაროს წარმატებით გადაეწყონ ახალ რეალობაში და შეიმუშაონ სწორი ბიზნესსტრატეგიები.
შპს საქართველოს აუდიტორული კომპანია GAC
„ქალები, დაზარალებული მეწარმეების მხარდასაჭერად COVID-19 ის პანდემიის პერიოდში“
აუდიტორული კომპანია GAC-ის განხორციელებული პროექტის მიზანი იყო ქალი მეწარმეების დახმარება და მათთვის უსასყიდლოდ 1 აპრილამდე წლიური საშემოსავლო დეკლარაციის ვალდებულების წარსადგენად მომზადება. დეკლარაციის წარდგენა სავალდებულოა ყველა მეწარმისთვის. პროექტის განხორციელება დაიწყო 2020 წლის 14 მარტს.