პროკრედიტ ბანკი საქართველო

წლის პასუხისმგებელი მსხვილი კომპანია

როგორც განვითარებაზე ორიენტირებული ბანკი, „პროკრედიტი“  პასუხისმგებლობით ოპერირებს საბაზრო სივრცეში, აქტიურად ახორციელებს გარემოსდაცვით პროექტებს, ზრუნავს თანამშრომლების კეთილდღეობასა და თემის განვითარებაზე. 

ალტიჰატი

წლის პასუხისმგებელი მცირე და საშუალო კომპანია

„ალტიჰატი“ არის სამთო თავშესაფარი და ალპური სასტუმრო, რომელიც მდებარეობს ზღვის დონიდან 3,014 მეტრ სიმაღლეზე. „ალტიჰატის“ მიზანს წარმოადგენს ალპურ სიმაღლეზე სანიტარიული პირობებისა და ზოგადი უსაფრთხოების გაუმჯობესება, რთულად მისადგომ ადგილებში ტურისტული პოტენციალის განვითარება და მომსახურების უმაღლესი სტანდარტის დამკვიდრება.

თიბისი ბანკი

მწვანე ინიციატივა

მწვანე ავტოპარკი

2017 წელს „თიბისი ბანკმა“ შეაფასა თავისი ავტოპარკის მონაცემები და საწვავის მოხმარება და აღმოჩნდა, რომ საწვავის საშუალო მოხმარება შესამჩნევად მაღალი იყო. შესაბამისად, მაღალი იყო გარემოზე ნეგატიური ზემოქმედებაც. კომპანიამ 2018 წლის განმავლობაში ეტაპობრივად განაახლა არსებული ავტოპარკის 70% და იგი ჩაანაცვლა ჰიბრიდული ტიპისა და ელექტრომობილებით, რამაც უკვე 2018 წლის ბოლოსთვის, 2017 წელთან შედარებით, მთლიანი საწვავის მოხმარება 13%-ზე მეტით შეამცირა.

ნექსია თიეი

პასუხისმგებელი დამსაქმებელი

თანამშრომელი ყველაზე მთავარი ღირებულება

პროექტის მიზანია  კომპანიის თანამშრომლების დამოკიდებულებებისა და განწყობების შეცვლა და კომპანიაში ჯანსაღი სამუშაო გარემოს და ღირსეული შრომის პირობების შექმნა.პროექტი დაიწყო 2018 წელს და დღესაც მიმდინარეობს.

ჯიპიაი ჰოლდინგი

საზოგადოების მხარდაჭერა

ეკოისტი

“ეკოისტი” – “ჯიპიაი ჰოლდინგის” ლოიალობის პროგრამაა, რომლის მიზანია ჯანსაღი ცხოვრების წესის და ეკოქცევების პოპულარიზება.

"ფეა თრიიზ“

საზოგადოების მხარდაჭერა

ფეა თრიიზის ბავშვთა სტომატოლოგიური კლინიკა (მცირე და საშუალო ზომის კომპანია)

"ფეა თრიიზის“ ყოველწლიური სოციალური პროექტის შედეგად, რომელიც მოსახლეობის უფასო სამედიცინო გამოკვლევას მოიცავს, ამბროლაურის მუნიციპალიტეტში მცხოვრებ ბავშვებში პირის ღრუს მოვლისა და მკურნალობის შემაშფოთებლად დაბალი დონე გამოვლინდა. 

თიბისი ბანკი

სექტორთა პარტნიორობა

დავით კაკაბაძის შემოქმედების გამოფენა

ცნობილი მხატვრის, ქართული მოდერნიზმის ერთ-ერთი ფუძემდებლის, დავით კაკაბაძის 130 წლისთავის აღსანიშნავად „თიბისი ბანკმა“, დავით კაკაბაძის ფონდთან პარტნიორობით, მასშტაბური პროექტი წამოიწყო, რომელიც 2019 წლის მაისში „თიბისი გალერეაში“ კაკაბაძის მრავალმხრივი შემოქმედების რეტროსპექტული გამოფენით გაიხსნა.

ემბისი

წლის CSR-მენეჯერი

თამთა ასლანიშვილი CSR-მენეჯერი

კომპანია ემბისიში CSR-მიმართულების გააქტიურება თამთა ასლანიშვილის სახელს უკავშირდება. 2018 წელს მისი ინიციატივითა და მენეჯმენტთან აქტიური თანამშრომლობით შემუშავდა კომპანიის CSR-სტრატეგია, სტრუქტურა და ბიუჯეტი. შემდგომ კომპანია გახდა არაერთი მნიშვნელოვანი საერთაშორისო და ადგილობრივი ქსელის წევრი.

WATERGUNZ

შემოქმედებითი CSR

გულგრილობის ხმა

საქართველოში კანონით აკრძალულია არასრულწლოვანთათვის ცივი იარაღის მიყიდვა, თუმცა ეს აკრძალვა რეალურად არ სრულდება. ამასთან, ბოლო წლებში შეინიშნება არასრულწლოვანთა შორის ძალადობის ფაქტების შემაშფოთებელი ზრდა. 

ჯეო მულჩი

ნარჩენების მართვა

ტყის და ქალაქის სანიტარი

“ჯეო მულჩის” მიერ 2018 წლის იანვარში დაწყებული პროექტის მიზანია, ერთი მხრივ, ტყის მასივების ხის ნარჩენებისგან, დაავადებული და ამორტიზებული მცენარეებისგან გაწმენდა, ხოლო მეორე მხრივ, თბილისის მუნიციპალიტეტთან შეთანხმება, რომ ხე-მცენარეების სანიტარული ჭრის შედეგად წარმოქმნილი, სხვა მხრივ გამოუსადეგარი ნარჩენები გასხვისდეს კომპანიაზე, რომელიც ამ ნარჩენებს წარმოების ნედლეულად გამოიყენებს.