კორონავირუსით გამოწვეული პანდემიის დაწყებიდან კომპანია „ბიდიოსათვის“ მნიშვნელოვანი იყო შეექმნა ჯანსაღი, კომფორტული, სტრესისგან თავისუფალი სამუშაო გარემო, სადაც უზრუნველყოფილი იქნებოდა თანამშრომლების ჯანმრთელობა და ფინანსური სტაბილურობა. ამისათვის კომპანიამ 2020 წლის მარტში დაიწყო პროექტი „ლავირება ახალ რეალობაში“ - ბიდიოს ვირტუალური ოფისი.
კომპანიისთვის პანდემიით შექმნილი კრიზისის პირობებშიც მთავარი ღირებულებაა თანამშრომლები და მათზე ზრუნვა. ეს, პირველ რიგში, გამოიხატა სამუშაო ადგილებისა და ანაზღაურების 100%-ით შენარჩუნებით, თანამშრომელთა უსაფრთხოებაზე ზრუნვითა და მათი განვითარების უწყვეტობით.